28歲嘅布沙上季喺爵士平均每場攞到19.5分同11.2個籃板。但其實佢今次加盟公牛都幾諷刺，事關目前公牛副主席約翰柏臣嘅大佬占柏臣，喺04年擔任騎士總經理時曾經逼布沙去爵士，而占柏臣目前就係公牛顧問同球探，今次再簽番布沙其實即係間接承認當年睇錯人。

占士去留令親友反晒面

但點都好，據講曾入選2屆明星賽嘅布沙，對於今次加盟公牛期望好大，希望可以吸引勒邦占士加盟，不過佢嘅如意算盤睇怕好難打得響，事關隨住韋迪同保殊尋日宣布下季喺熱火合作，美國各大傳媒都認定勒邦占士已傾向選擇加盟熱火爭總冠軍。

當然，亦有指占士好友CP3基斯保羅正力勸占士留喺騎士同佢前教練史葛合作，同時有傳占士屋企人同朋友依家為占士去熱火分成兩派，明白占士去熱火係為攞總冠軍，只係要夾韋迪同保殊先攞到，就覺得有失佢嘅威名。