史葛密謀入主湖人

自從米克布朗喺5月24號被炒後，騎士教練一職懸空至今。但原來騎士近日已秘密四出搜尋，並已將範圍收窄至2至3個人，當中包括前黃蜂教練史葛同前湖人名將、現任湖人助教梳爾。據報梳爾先喺星期一同騎士班主基拔同總經理基斯格蘭會面，雙方足足傾咗10個鐘。

最新消息指出，史葛已透過經理人表示對教騎士冇興趣，仲祝梳爾見工成功。不過有傳騎士仍未向梳爾提供合約，希望先搞掂係咪簽得番勒邦占士。

史葛唔做騎士教練，睇落好似益咗梳爾，但其實係想清除一個勁敵先真，因為外間有傳湖人教練積遜因健康問題好大機會喺日內宣布退休，本來係湖人助教嘅梳爾係接任大熱人選，但如果梳爾依家選擇教騎士，咁史葛就好大機會喺冇對手下入主湖人。