家陣法國羞家出局，證明呢班大哥嘅時代已經過去，新帥白蘭斯可以大刀闊斧改革，以佢嘅地位同能力，絕對有條件帶領全新法國，兩年後再次揚威歐國盃。

相反，意大利則完全係「不能也，非不為也」，一班老將過晒高峰期，所謂嘅生力軍又未夠班，青黃不接嘅問題相當嚴重。今次冇份入選嘅新星，只得巴洛迪利同羅斯仔叫做夠卡士。意大利今屆包尾出局，起碼令一眾國腳、意甲球會、藍衫軍球迷接受現實，4年前嘅世界冠軍，運氣勝過實力，難以長久，希望一眾意甲球會肯培育多啲新人，若繼續不斷引入過氣球星，只會令意甲沉淪之餘，藍衫兵團亦肯定淪為二線球隊。