沙菲爾打記者

眼白白睇住國家隊輸波，阿爾及利亞球迷心情當然惡劣，佢哋當中有部分人甚至衝上巴黎街頭搞事洩憤！據報當地街上超過20架車被推翻或者縱火焚燒，另外再有唔少店舖被打爛玻璃，幾乎將成個巴黎反轉咁滯！

至於球員亦接受唔到賽果，其中35歲老將沙菲爾賽後喺採訪區遇到曾經寫衰自己嘅女記者哈利米，竟然失控摑咗佢一巴，搞到哈利米亦要還擊：「我都未開聲，沙菲爾就突然打我，但我都還番佢一拳。」結果沙菲爾嘴角受傷之下離開現場，相當瘀皮！