燒車打人秩序大亂

為免上屆擊敗魔術後球迷到處搗亂嘅事件重演，洛杉磯賽前特別加派100名警察喺湖人主場周邊維持治安，不過當湖人贏波後，市內球迷激昂情緒仍一發不可收拾，周圍用石仔同玻璃樽扔向汽車同警察，有人冇着衫周圍跑、有人被打同有人放火燒車同樹。事後當地警察局表示至少有15人被捕，預期數字會上升。

至於消防局喺比賽後3個鐘內，就喺湖人主場周圍足足收到37個意外報告，當中有8人受傷被送入院，包括一個爆鼻嘅警察。一名球迷表示：「我本來想去趁熱鬧，冇諗過會發生咁嘅事。班後生仔又傷人又破壞社會秩序，完全唔知點樣正常慶祝。」