個個喊到變豬頭

連埋常規賽，「綠軍」今季已經試過15次喺領先雙位數字得分下反勝為敗，僅次於灰熊，但尋日領先13分下反勝為敗，卻係今屆季後賽首次。另外塞爾特人喺總決賽史上從未試過喺第7戰輸波，但隨住尋日不敵湖人，亦成為NBA史上第7支喺領先3:2下失落冠軍嘅球隊。

隨住一整季嘅努力最後化為烏有，賽後教練李華士暗示球隊來季換血勢在必行，「三巨頭」時代可能會成為歷史，之後佢更大爆球員情緒崩潰：「喺更衣室入面個個都喊到豬頭咁。」不過李華士覺得呢件係好事：「我覺得佢哋絕對唔係扮出嚟。佢哋喺入面互相擁抱安慰，好多人見到呢個場面都忍唔住喊咗出嚟，但呢件絕對係一件好事，證明佢哋好多人真係着緊球隊，真係畀個心出嚟比賽。」