2場作客下半場嚴重失守

高比拜仁近期表現着晒火，閒閒地一場都攞30分，可惜一班隊友卻完全幫唔到手，搞到佢獨力難支。臨近生死關頭，高比決定用激將法鬧醒班隊友：「我覺得我哋呢兩場作客嘅防守真係好唔掂，前一場輸第4節，上場就輸第3節。我哋完全阻唔到塞爾特人進攻，不停畀佢哋走籃。我哋絕對唔可以容許對手有56%命中率。須知我哋本身係一支防守好勁嘅球隊。」

另一方面，隨住湖人可能提早game over，教練積遜嘅前途問題再成傳媒焦點。好多傳媒都認為本身係湖人班主謝利巴斯個女，兼係積遜女友嘅珍妮巴斯會喺呢件事上起到關鍵作用，但同時係湖人副主席嘅珍妮巴斯就認為呢件係一件嚴肅嘅商業決定，堅決唔打「女友牌」：「我當然希望積遜留低。但如果佢真係離開，我都唔會同佢分手。我唔會用感情嚟威脅佢留隊。」