奧當個老婆Khloe Kardashian係明星仔，佢兩公婆亦頻頻見報。最近美國傳媒爆出猛料，指Khloe有咗兩個月身孕，對於記者追問，奧當即時O晒嘴：「有咗？我唔肯定喎！如果佢有咗我應該係第一個知o架喎！」

雖然奧當懵盛盛連老婆係咪有咗都唔知，但查實佢好錫屋企人，兩年前湖人去波士頓打總決賽，佢囝囝就畀主隊Fans嘲笑，為免屋企人再畀球迷騷擾，奧當已經勒令Khloe唔准睇作客波，絕對係好老公嚟o架！