湖人Fans朋友轉軚支持

呢件事發生喺04年，當時阿堤斯仲打緊溜馬，話說有場波防守皮雅斯時，阿堤斯趁佢唔為意突然拉低皮雅斯條褲，不過皮雅斯處變不驚，仲可以一路拉番高條褲，一路走出去外圍射入3分波。

回想番呢件事，皮雅斯回應：「我同阿堤斯已經交手10幾年，為咗箝制對手佢真係乜都敢做，但我相信自己可以克服，唔受佢影響。」不過講就咁講，皮雅斯職業生涯場均有22.5分同44.5%命中率，但歷來21次對阿堤斯，場均跌落20.5分同43.4%命中率，失誤更升到3.3次。今季喺常規賽兩對阿堤斯嘅湖人，加埋更只得26分。

好彩，皮雅斯作客湖人都有一個優勢，就係佢喺加州奧克蘭出世，即係湖人嘅所在地，皮雅斯話：「能夠成為今屆總決賽嘅一分子，感覺真係好特別，因為我將會重返我長大嘅家鄉比賽，我有好多朋友都係湖人球迷，但因為我今次都決定轉向支持塞爾特人，依家唯一困擾我嘅係買唔夠波飛，因為實在太貴。」