11/05/2010

播放本新聞相關短片

朗度超級大三元追平騎士

尋日塞爾特人主場對騎士,球迷不時大喊「MVP」,不過唔係叫勒邦占士或者「三巨頭」是但一個,而係畀朗度!皆因佢尋日做出媲美名宿張伯倫嘅「超級大三元」,帶領「綠軍」主場以97:87殺敗騎士,總場數追平2:2。

太陽躋身西岸決賽

朗度尋日取得29分、18個籃板同13次助攻,成為繼1963年嘅奧斯卡羅拔臣同67年嘅張伯倫之後,NBA史上第3位喺1場季後賽有咁嘅數據嘅球員,難怪全場有22分嘅占士,賽後亦不禁大讚朗度:「我覺得塞爾特人靠晒朗度起步,佢就好似『綠軍』嘅引擎帶領佢哋前進。」

雖然塞爾特人贏波後,總場數扳平2:2,不過佢哋作客表現經常走樣,所以聽日第5戰作客騎士受讓7.5分,都係捧上盤為妙!

另邊廂,雖然畀鄧肯手肘批中爆缸連咗6針,不過拿殊尋日喺第4節幾乎單眼作戰下,仍取得全場20分中嘅10分,加上史杜迪米亞射入全場最高嘅29分,最終帶領太陽作客以107:101擊退馬刺,總場數以4:0橫掃對手率先進身西岸決賽。

雞髀拜仁