有時真係好懷疑勒邦占士係咪地球人，甚至係咪人都惡講！好似尋日咁，「大帝」就食出「大三元」，仲要喺中場線射入3分球，協助騎士作客以121:98大勝公牛，總場數領先至3:1。
中場完美跳投笑言等閒事
其實公牛喺第2節曾經領先騎士4分，不過隨住騎士喺第2同第3節分別攻入38同37分，令成場波形勢變得一面倒。當中勒邦占士再次主宰球賽，獨取37分、12個籃板同11次助攻，錄得人生季後賽第5次「大三元」，第3節完場前一刻更喺中場完美跳投得手，不過占士賽後就話冇乜特別，叫大家唔好大驚小怪，認真招積！睇嚟聽日返番主場，可以輕鬆再贏公牛提早晉級，讓12.5分都照要上盤！
勒邦芝士
