22/03/2010

播放本新聞相關短片

加納特再做魯域斯基剋星

小牛前鋒魯域斯基既有後衞級射術,又有中鋒級身高,本應橫行球場至係,可惜佢都有自己嘅剋星!原來小牛連續兩季對住有加納特在陣嘅塞爾特人,全部輸波收場,尋日亦唔例外,「綠軍」喺皮雅斯獨取29分,配合加納特取得8分及9個籃板下,作客以102:93再次屠「牛」!

綠軍未抖順氣照屠「牛」

尋日一戰魯域斯基積極起手,個人取得28分之多,問題係正選隊友希活同卡朗畢拿唔爭氣,夾埋只係入得12分。相比之下,塞爾特人嘅當家球星皮雅斯攻下29分,配合加納特8分、9個籃板同今季最高嘅5次偷波,聯手以102:93擊敗小牛。原來連同今仗在內,魯域斯基對住有加納特在陣嘅塞爾特人都未贏過,唔話被剋住都唔得!

其實小牛賽前經已有3日休息時間,相反塞爾特人前一晚至打完波嚟,難怪教練李華士對呢個戰果收晒貨:「面對有咁多備戰時間嘅小牛都贏波,我就好滿意啦。」聽朝塞爾特人乘勇作客猶他爵士,隨時再有意外驚喜,讓1.5分一於玩上盤!

勒邦芝士