17/03/2010

播放本新聞相關短片

高比累積勝仗追平莊遜

高比又破紀錄!佢尋日率領湖人作客贏勇士124:121,追平莊遜成為湖人史上第二贏波最多嘅球員!

呢場波湖人整體表現只係一般,第3節仲一度落後63:72,好彩高比拜仁喺關鍵時刻發威,全場獨得29分,搞到今季第4次爆場、20,038名勇士球迷都向高比大喊「MVP」。最後湖人不負眾望贏波,高比亦取得喺湖人第670場勝仗,追平魔術手莊遜,成為湖人史上累積第二多勝仗嘅球員,僅次於743場嘅渣巴。

勇士僅敗,教練尼爾遜仲差6場勝仗,先至超越韋健士嘅1,337場,成為NBA最多勝仗嘅教練。勇士剩16場比賽,尼爾遜實會落柯打搏殺,聽朝對黃蜂讓1.5分,撐上盤!

勒邦芝士