正所謂長路有盡時，小牛嘅13連勝走勢去到尋日朝正式結束，不過佢哋點都估唔到，阻止佢哋贏波嘅會係兩個月前曾經以50分差距慘敗畀佢哋嘅手下敗將紐約人。啱啱以128:94作客打敗小牛嘅紐約人，聽朝將作客狀態麻麻嘅76人，受讓4.5分下盤博得過o架。
明早追擊76人
面對住近期全NBA最Hit球隊小牛，紐約人今仗演出令人驚喜，全隊合共有6位球員取得雙位數得分，當中以大衞李爾最搶鏡，交出15分同14個籃板。今場取得21分嘅紐約人新人杜格拉斯，賽後批評小牛係輸在輕敵。紐約人聽朝對手76人目前排喺東岸11位，實力唔算突出，而論氣勢更肯定輸蝕畀紐約人，依家76人讓波梗係要對家啦！
白蘭芝
