塞爾特人近日正進行緊連續5場作客之旅，本來球隊人手短缺，尼特羅賓遜嘅加盟啱晒時機，偏偏佢喺周五接受體測之後發現有流感迹象，搞到要即晚入院接受治療，就連聽朝作客金塊之戰都唔使預佢。最慘係同樣由紐約人交換嚟「綠軍」嘅馬古斯蘭特利，又因為扭傷足踝要抖，塞爾特人兩件新兵唔用得，都幾無奈。

「綠軍」尋日都公布埋兩個新兵波衫「冧巴」，尼特羅賓遜同馬古斯蘭特利，將會分別穿上已離隊嘅基頓斯同獲加嘅4號同12號波衫。