本文重點
NBA明星賽曲終人散，常規賽戰火重燃！尋日10場波當中以小牛最受關注，皆因佢哋有新兵卡朗畢拿同希活首度披甲，奈何全新小牛頹勢依舊，喺全隊夾埋只得32%命中率之下，作客以86:99輸畀雷霆，踏入2月份已經輸咗4場！
由巫師過檔嘅卡朗畢拿今仗冇貨交，全場起手16次僅得4次命中，表現令人失望。小牛第2節畀雷霆攻入40分，第3次仲只係入得11分，創下今季單節最低得分紀錄，想唔輸都難。
金塊雙星弗唔怕騎士
反觀雷霆球星杜蘭特就勁搶鏡，個人攻入25分兼搶到14個籃板，連續26場比賽攻入25分以上，絕對係雷霆嘅贏波功臣。小牛新兵卡朗畢拿賽後無奈表示：「我哋好似射極都唔入，雷霆就射親都有，比賽就係咁，冇得怨！」輸波不特止，小牛中鋒丹比亞隻右手中指甩骹要做手術，呢鋪真係賠了夫人又折兵。
另外，聽日騎士會喺主場硬撼金塊，客軍前鋒安東尼喺明星賽虎虎生威，控衞比立斯近期亦都起晒Q，有佢兩個喺度使乜驚勒邦占士？金塊受讓騎士5分，下盤玩得過！