05/02/2010

播放本新聞相關短片

綠軍平內亂爭氣滅火

塞爾特人控衞朗度日前公開踢爆更衣室內亂,言論激發起成班手足嘅鬥志,知恥近乎勇嘅「綠軍」上下一心,尋日主場以107:102挫敗熱火,擺脫頹勢連贏兩場!

明鬥弱旅籃網讓得起

事緣上星期塞爾特人輸畀鷹隊之後,更衣室即刻有事發生,眾所周知「綠軍」球星眾多,難免出現互相指摘兼唔肯孭鑊。為協助球隊重返正軌,朗度決定正視問題,向傳媒踢爆內亂:「人人落到場都應該團結一致,無論係贏或者輸都要有隊形,返到更衣室互相指摘根本無補於事。」

教練李華士都話朗度講晒佢嘅心聲,塞爾特人亦大打爭氣波,尋日朗度就攻入22分兼交出14次助攻,加納特同雷阿倫亦分別攻入14同23分,即使缺少皮雅斯仍勇挫由韋迪率領嘅熱火。內亂告一段落,「綠軍」再起飛,聽朝對住弱旅籃網讓到13分,上盤都捧得過!

真‧怒比利