高比拜仁又再顯身價，尋日完場前射入2分，帶領湖人作客以90:89反勝塞爾特人，令綠軍錄得近7場第5仗敗仗！
綠軍尋日喺第4節曾一度領先湖人11分，不過完場前7.3秒高比射入關鍵入波，最後以1分反勝。雖然高比尋日只有19分，但原來佢喺NBA生涯已經累積25,164分，距離湖人史上首席得分王謝利韋斯嘅25,192分只差28分。另外，湖人教練積遜亦追平萊利，以533場勝仗並列湖人史上贏波場數最多教練。
相比塞爾特人，魔術尋日就順利好多，作客以91:86變走活塞，仲令教練雲根迪嚟緊喺達拉斯明星賽，史上第2次帶領東岸明星賽出賽，士氣增加唔少，所以聽日魔術主場對公鹿讓9分，上盤記住唔好錯過呀！
白蘭芝
