本文重點
NBA改朝換代﹖今屆明星賽後備名單有多達7位球員首次入選。至於入圍嘅保殊尋日就率領速龍以106:104吞噬紐約人，賀自己返家鄉戰明星賽。
NBA改朝換代揀7新人
7位首次入選明星賽嘅球員，係東岸塞爾特人控衞朗度、公牛球星戴歷羅斯、山貓嘅謝勒華萊士同鷹隊中鋒荷福特，而西岸就有爵士控衞迪倫威廉士、雷霆球星杜蘭特同灰熊大前鋒蘭度夫。至於入選東岸後備名單仲有速龍嘅保殊、鷹隊嘅祖莊遜、塞爾特人皮雅斯，西岸就有小牛嘅魯域斯基、拓荒者嘅萊爾，黃蜂嘅基斯保羅同湖人中鋒加素。
雖然已經第5次入選，但今次保殊將會重返家鄉達拉斯比賽，唔知係咪因為太興奮，佢尋日作客紐約人勁醒，獨取27分同15個籃板。不過輸波嘅紐約人亦有大衞李爾獨得29分，聽日作客巫師受讓2分，下盤抵玩！
