本文重點
換上全新紫色球桿出戰溫布萊桌球大師賽的「火箭」奧蘇里雲，今晚將會踏出其「紫色神奇之旅」的第一步，喺16強火併「墨爾本機器」羅拔臣。賽前「火箭」發揮其一貫「寸爆」本色，除了大談其「人定勝Cue」偉論外，更誓言要在2010年當上桌球壇的保特。（now637台周二晚9:30直播）
傅家俊負2:6出局
去年以一支新球桿力壓群雄贏得大師賽冠軍的奧蘇里雲，今年應贊助商的提議，換上一支全新紫色球桿出戰，對此，「火箭」當然有信心重演歷史再奪錦標：「我以前用慣一支Cue，冇咗佢就好似乜都唔掂，但後來我發覺當你太過倚賴佢，反而會成為你嘅弱點，始終係人用支Cue嘛！」
奧蘇里雲可以話係過去十年間桌球壇最偉大王者之一，喺踏入2010年開始嘅新時代，佢希望可以同佢嘅新偶像、統領田徑壇嘅「飛人」保特一樣，用輕鬆心情創造傳奇：「保特已經證明咗要成功根本唔使太過認真，你可以一邊享受比賽，同時打破世界紀錄，企喺世界頂峰。」「火箭」聲言自己新嘅哲學就係享受桌球。
另外，香港「一哥」傅家俊喺昨晨對艾頓嘅賽事，結果喺先勝兩局下，畀對手反勝6:2，無緣躋身8強。