07/01/2010

播放本新聞相關短片

山貓醫好作客病無懼紐約人

本文重點
作客病向來係山貓死穴,但經過對上兩戰客場贏波之後,山貓球員信心明顯返晒嚟!尋日佢哋主場出擊,憑史堤芬積遜及謝勒華萊士合共攻入57分,以113:108擊敗公牛。聽朝造訪紐約人將會力爭作客3連勝,戰意鮮明,受讓4分下盤都捧得過!

球員重拾自信

踏入新年之後,山貓表現確實醒晒,先後作客熱火同騎士都凱旋而回。尋日返到主場對公牛亦繼續水準演出,一度喺第2節領先13分之多。雖然由戴歷羅斯帶領嘅公牛積極反撲,仲喺完場前2分08秒追至105:105平手,但山貓最後憑住梅利、史堤芬積遜及謝勒華萊士先後射入罰球,以113:108成功劏「牛」!

山貓今仗贏波功臣,必定係史堤芬積遜及謝勒華萊士,因為佢哋除咗完場前冷靜射入罰球之外,全場亦合共貢獻57分之多!其中史堤芬積遜將贏波歸功於球員信心大增:「經過連續兩場作客贏波後,大家都充滿自信去迎接嚟緊嘅賽事。」山貓聽朝對弱旅紐約人,有望爭取作客3連捷,受讓4分要得過。

勒邦芝士