入41分助紐約人獵「鷹」

尼特羅賓遜之前因為同教練迪安東尼鬧交，自從上年12月1號後就冇再為紐約人上陣，羅賓遜更一度透過經理人公開表示想轉會，結果被聯盟重罰2.5萬美元。不過尋日作客鷹隊，羅賓遜突然獲解凍，由於好耐冇打波，羅賓遜勁餓波，喺最後時刻更下下都「1on1」單挑對手，結果包辦紐約人最後21分中嘅19分，當中有11分更喺加時取得，幾乎以一人之力帶領紐約人贏波。

今季已經第5年打NBA嘅尼特羅賓遜，賽後表示尋日出番場覺得自己好似新人咁，並表示好感謝隊友嘅支持，希望可以繼續留喺紐約人。有番呢個「得分機器」，紐約人進攻能力真係唔講得笑，聽日主場對住8連敗嘅溜馬，上盤真係幾抵玩！