02/01/2010

播放本新聞相關短片

「雷霆」萬鈞狙擊公鹿

要數呢期NBA最勁嘅球隊同球星,必數雷霆同佢哋嘅球星杜蘭特!「KD」杜蘭特尋日唔單止追平球會連續射入30分場數紀錄,最重要係帶領雷霆主場以87:86險勝爵士,取得球會近4年嚟首次5連勝!

連續6場入30分或以上

綽號「KD」嘅杜蘭特,尋日主場對爵士又射入31分,追平前球會名宿史賓沙希活,喺1972年1月所創嘅連續6場射入30分或以上嘅紀錄,加上全隊唯一一位見證過球隊喺4年前取得5連勝嘅哥連遜,喺完場前搶到一個關鍵嘅進攻籃板兼射入2個罰球,最終令雷霆創造歷史一刻。

回想起1年前嘅元旦日擊敗勇士,先取得當季第4場勝利,同依家贏完爵士後,以18勝14負成績同爵士並列西岸第8,杜蘭特感觸良多:「我哋進步咗好多,不過我哋仲有好長嘅路要行,我哋絕對唔可以放鬆。」既然杜蘭特咁有志氣,聽日雷霆作客4連敗嘅公鹿受讓2.5分,你話下盤又點可以錯過?

雞髀拜仁