雖然「巨無霸」奧尼爾同勒邦占士只係做咗半季隊友，但日前「大帝」25歲生日，奧尼爾竟然豪花40萬美元（約310萬港元）送咗一架白色勞斯萊斯畀占士做生日禮物，認真闊綽。
前日占士生日，好多隊友都有送禮物賀壽，不過講到最細心同闊綽，肯定係奧尼爾。事關今季先加盟騎士嘅巨無霸，知道勞斯萊斯係占士嘅「飛佛」，就豪擲40萬美元買咗一部09年新款勞斯萊斯Phantom VI畀佢做生日禮物，仲因為知道占士本身有部黑色，特登買白色畀佢。
不過呢份禮物，亦好大機會係奧尼爾送畀占士嘅餞行禮物，事關「大帝」新波鞋日前喺網上曝光，據講鞋底加上「I love NY」嘅圖案，意即我愛紐約，照咁睇，占士似乎去意已決喎！