好爸爸唔易做，巫師後衞亞連拿斯因為唔想女兒喺屋企有意外，特別將自己嘅槍械搬到主場嘅儲物櫃另作收藏，偏偏就觸犯咗NBA條例，隨時面臨停賽！
專心打好波有力屠「狼」
亞連拿斯搞出藏械風波，主因同佢愛女兩周前誕生有關：「我唔想囡囡喺有槍械嘅環境下成長，所以將屋企嘅槍轉移到主場嘅儲物櫃保管。」其實亞連拿斯存放嘅槍全部都無上彈，之後佢仲主動委託球會保安將槍械轉交畀警方添！
問題係NBA規定唔准球員帶槍去到轄下嘅場館，所以亞連拿斯有可能要面對停賽處罰！但平心而論，佢今季已經無再喺場外生事，反而集中精神打好波，配合卡朗畢拿同占美臣兩位前鋒，巫師聽朝作客弱旅木狼要贏多過2分唔難，一於玩上盤啦！
爆裂米拿