莫威廉士入48呎3分波

「大帝」勒邦占士尋日手風勁順，全場起手29次射入16球，當中包括5個3分波，取得今季新高44分，兼有7個籃板、6次助攻同4次偷波，盡顯全能本色。莫威廉士嘅表現亦值得一讚，特別喺第3節，由於就快到24秒進攻時間，竟然喺自己半場，離籃48呎外射入一球超遠程3分波，結果呢球打窒雷霆道氣，令對手喺之後3分半鐘內入唔到波，仲幫騎士打出一段14:2嘅攻勢，奠定勝局。

賽後莫威廉士獲「大帝」激讚：「莫威廉士成日同我嘅操練時練習半場射波，但唔係次次都入，呢球絕對係偉大嘅入波。」連運都有埋，睇怕騎士聽日返番主場對住東岸魚腩籃網，贏波都冇走雞，讓13分上盤仍然值得支持！