本文重點
成也亞連拿斯，敗也亞連拿斯！呢位過去飽受傷患困擾嘅巫師控衞，今季終於回勇，尋日仲食出近5年半以來首個大三元，偏偏佢又完場前射失罰球，間接令對手溜馬作客以114:113反勝巫師！所謂知恥近乎勇，聽朝亞連拿斯話唔定打爭氣波，作客快艇受讓3.5分一於玩下盤！
完場前兩罰皆失
由於今年暑假搵到名牌教練Tim Grover特訓，所以亞連拿斯今季表現明顯醒神晒，尋日為巫師出戰，佢以22分、10個籃板及11次助攻食出近5年半以來首個大三元！只可惜完場前6.6秒當巫師領先1分之際，佢竟然兩罰全失，其後溜馬把握機會，完場前由鄧利維射入兩個罰球，最終助球隊以114:113反勝巫師！
睇住由贏變輸，亞連拿斯谷埋成肚火：「我成日都練罰球，根本無諗過會射失，感覺好沮喪！」聽朝巫師作客快艇，亞連拿斯應該唔會再手軟，受讓3.5分都唔怕捧！
