家人體貼留大堆剪報

「好唔好意思呀，因為我都係臨時先知道要返嚟踢金牌戰，所以我根本嚟唔切為家人撲飛，搞到佢哋只可以喺屋企睇電視直播，所以難得有一日假期，梗係返嚟屋企大家齊齊開心啦！」陳肇麒表示，家人們一向十分支持他，如今成為「金牌運動員」，當然要與他們分享。「家人好體貼，幫我留咗一大堆剪報，我睇咗成朝都未睇晒，真係好多謝佢哋。」「陳七」笑說。

難得聚首，「陳七」謂能夠與家人同枱食飯、打番幾圈，已經係最佳「Relax」方法：「星期六踢完金牌戰，星期日放一日假，今日（周一）就已經要練波，準備星期二嘅聯賽。所以我揀咗返嚟屋企享受呢日假期，大家都好開心。」「陳七」再一次多謝每名支持香港隊的球迷，但重申奪金乃全體職、球員的功勞，功臣絕對不止他一個。