在決賽撲出12碼一刻，葉鴻輝成為全港市民的英雄，一覺醒來仍如在夢中：「我仲好似發緊夢咁，不過坐定之後，就知道真係夢想成真。第一件事想落街買報紙，希望搜集晒啲報道，好好保存。」

55歲的葉爸爸任職貨車司機，53歲的葉媽媽則是幼兒園職員，家庭入息不算多，但葉爸爸並無反對兒子放棄學業投身足球的決定：「老實講，個心真係唔想佢踢，但個仔咁鍾意，由得佢囉，書可以之後讀番。」葉鴻輝02年通過青年足球計劃，獲得當時的導師盧國華相中，自13歲開始便四出為香港征戰。

網上成立「鴻輝粉絲團」

葉鴻輝謂，恩師盧國華教的不單是技術，最重要是控制脾氣：「我一落場就好易發火，見到隊友踢得唔好，就忍唔住鬧佢哋，但盧Sir不斷提醒我要控制脾氣，因為會影響隊友及自己嘅判斷力，呢段說話我成日記喺心入面，成個東亞運我一次脾氣都冇發過。」

香港歷史性奪金後，有球迷在Facebook成立「鴻輝粉絲團」，支持他成為亞洲首席門神，不少網民已經加入並留言予以支持，今晚出席伯娘統籌慶功宴的葉鴻輝謙虛表示：「我仍然有好多不足，弱點係身體單薄，而且接兩邊波仲弱啲，希望可以改善，目標當然是香港Number One啦！」