火箭迎馬刺上盤抵捧

「神奇叔叔」尋日交出7次助攻，職業生涯累積10,337次助攻，超越溜馬名將馬克積遜，登上NBA助攻王第2位，可惜傑特今年已36歲，要超越第1位、前爵士名將史托頓嘅15,806次助攻，簡直係天方夜譚，賽後傑特都話認命：「有啲紀錄係見證住一個人嘅地位，我覺得永遠都冇人可以打破史托頓嘅紀錄。」

其實火箭尋日打得唔差，後備蘭特利仲有24分，最後都輸畀小牛99:130，只怪對方全場命中率竟然高達65.5%。聽日火箭將會再次出戰「德州打吡」，返番主場硬撼馬刺，預計喺麥基迪隨時復出下，讓1分上盤可以秤先，畢竟馬刺今季作客4戰全敗，霎時間要克服作客魔咒唔係咁易！