勝利獻給尼爾遜

勇士近排認真黑仔，教練尼爾遜證實患上肺炎復出無期，尋日作客小牛，阿蘇布基、比特連斯、圖列夫、屈臣、貝爾更因傷全部缺陣，僅得8人應戰，但助教史馬冇出到馬格特同基斯亨打，令球隊成為76/77年球季後，第3支球隊喺一場中只用6人比賽，不過勇士一班球員冇因為咁而氣餒，結果憑艾利斯射入今季新高37分，加上莫奴同史堤芬居里各有27同18分進帳，喺第4節剩餘7分18秒落後87:96下，最後成功打出一段24:7嘅攻勢反勝小牛。

賽後勇士助教史馬表示希望將呢場勝利獻畀尼爾遜：「今場勝利尼爾遜都有份，我哋一班球員為咗尼爾遜團結起嚟，尼爾遜真係教識我哋唔少嘢！」