麥卓賢（細Mic）的出現不禁令人想起8年前以16歲之齡在大阪東亞運動會上「一炮而紅」的胡兆康，就連康仔也感受到這位比他年幼10歲的小師弟很有自己的影子：「我同佢嘅背景都幾似，佢都係因為跟屋企人打保齡而認識呢項運動，其實我哋嘅性格都好相近，相信可以合拍得來，如果講保齡成績，佢比我當年更早出道、更早有成績，將來成就相信比我更好。」

寄以厚望 互補長短

在8年前康仔與已故名宿許長國在大阪贏得了雙打金牌，今年他與細Mic的組合不禁令人抱有期望，上月剛滿25歲的康仔續謂：「其實好視乎佢當時會唔會緊張，畢竟呢個係一個運動會，加上主場會有好多親朋戚友嚟捧場，我哋希望可以做到互補啦。」

細Mic休學專心備戰

不過，首次代表香港出戰成人賽及運動會的細Mic，完全顯出初生之犢的信心：「我唔驚，最緊要打好自己。胡兆康係我偶像，我哋嘅思想好似，我都希望可以同佢幫香港攞到獎牌。」目前在譚李麗芬紀念中學就讀F3的細Mic，剛向學校請假停課，專心與港隊備戰，正處於發育期的他，最近幾個月突然長高10厘米：「近半年我不停食嘢，確實長高咗好多，不過對打波應該無乜影響。」

紅色戰衣有意思

「紅色」代表熱情還是幸運？香港保齡球隊過去多用深色作為戰衣主色，今年以東道主身份出戰東亞運，特別轉用紅色做戰衣主色，總教練柏夫斯認為，紅色代表Fight（戰鬥），期望每個運動員都要拚盡，全力爭取獎牌。

東亞運保齡球賽日程

12月7日 男、女子單打決賽（6局）

12月8日 男、女子雙打決賽（6局）

12月9日 男、女子三人賽及五人隊際賽（首3局）

12月10日 男、女子三人賽及五人隊際賽決賽（最後3局）

12月11日 男、女子精英賽及個人全能頒獎

12月12日 男、女子精英賽決賽

東亞運保齡球資多啲

地　　點： 九龍灣

國際展貿中心

香港保齡球城

比賽日期： 12月7—12日

金牌數目：12面

競賽項目：

男、女子各六項

（團體、單人、雙人、

三人、五人、個人全能）