號召隊友做環保善舉

拿殊所以喺屋企安裝太陽能發電裝置，全因佢居住嘅鳳凰城，每逢夏天都極之炎熱，令佢被迫開冷氣，為咗減少對能源嘅消耗，佢決定採用太陽能，一來貪佢用之不竭，二來呢類能源夠乾淨唔會造成額外污染！拿殊仲會喺屋頂鋪上草皮，用意係減少陽光直接曬入屋內令室溫上升：「咁樣會令人舒服啲，當然，只要我覺得天氣涼啲，就會熄咗屋企嘅冷氣。」

不過，單單自己一個為環保出力係唔夠，所以拿殊亦號召太陽隊友組成「綠色委員會」，目的係定期做對環保有益嘅事，例如收集訓練場附近嘅鐵罐鐵盒拎去循環再造，又或者回收丟喺路邊嘅廢棄電池，再送去工場處理，都唔好話唔有心呀！