塞爾特人陷「黑色星期五」魔咒？被視為奪標熱門嘅塞爾特人今季一直表現出色，不過尋日朝早喺東岸重頭大戰中突然失靈，全隊投射命中率只得可憐嘅34.5%，主場以78:83不敵魔術。數數手指，塞爾特人已經連續第3個星期五（當地時間）輸波，佔今季輸波場次75%，你咪話唔邪！

紐約人近5仗主場輸晒

兩大勁旅自上季季後賽之後首度交鋒，魔術喺卡達帶領下明顯表現較好，佢個人獨取26分同6次助攻，加上杜域侯活搶走15個籃板同交出3次封波控制內線，相反塞爾特人就打到患得患失，投射命中率得34.5%，想唔輸都難！卡達賽後興奮雀躍：「好開心可以喺呢場大戰有好表現，塞爾特人係大家嘅假想敵，贏佢哋會大大提升信心。」

已經連續第3個周五賽日輸波，之前兩個星期五分別輸畀太陽同鷹隊，查實「綠軍」今季只係輸過4場波，「黑色星期五」就佔其中3場。星期一凌晨佢哋會作客紐約人，紐約人對上5仗主場比賽都輸晒，其中3場輸10分以上，塞爾特人讓7分上盤抵捧！

獨取40分

勒邦占士尋日作客溜馬獨取40分，帶領騎士贏105:95，今次亦係「大帝」NBA生涯第34次打出40分或以上比賽。