一節入12分砌低勇士

之前表現一直平平嘅朗度，尋日終於打出今季代表作，射入今季新高18分，兼有7個籃板同12次助攻，當中有12分喺第3節獨得。賽後呢名新進控衞獲得各方大讚，加納特話：「我覺得朗度扭轉晒成場波嘅局勢，佢比之前成熟咗好多。」「綠軍」教練李華士就話：「朗度喺下半場實在好出色，速度同體力真係勁到令人難以置信。」就連勇士倒戈嘅中鋒米奇摩亞亦話：「朗度可能係今季聯盟唯一一位平均數據可以達到『三雙』嘅球員。」

其實除咗朗度之外，尋日塞爾特人其餘球員都打得好好，皮雅斯帶傷上陣都有19分，反觀魔術控衞尼爾遜啱啱就真係「堅傷」要做手術，至少要抖4至6個禮拜，都咪話唔大鑊，聽日塞爾特人喺東岸大戰主場小讓魔術1.5分，上盤有買趁早啦！