前一陣子毒禍入侵校園，令不少學生失去人生目標，兩位香港頂級運動員，滑浪風帆世界冠軍鄭國輝及香港曲棍球代表阿虎，早前就到明愛屯門馬登基金中學親身演繹《霎時感動》真人Show，向超過500名同學細說自己發人深省的奮鬥故事，分享心路歷程，向同學們發放正能量。
這是香港奧委會「香港運動員就業及教育計劃」主辦的體育大使計劃活動，阿輝與阿虎當日除親述自己奮鬥歷程外，並準備了個人的運動片段讓在場同學觀賞，同學們看到他們一些比賽或訓練時的「震撼」場面，都不禁傳來「嘩」聲，看得相當入神，而當尾段進行有獎問答題時更令全場哄動，不論是F.1還是F.6的同學都爭相搶答，期望能贏得阿虎的簽名波及阿輝的迷你金牌。隨後他們更可親身接觸一下滑浪風帆的帆板及與阿虎作曲棍球交流，同學們相當興奮。
活生生例子激勵同學
眼見學生的反應如此熱烈，校長陳國祥也感意外，他坦言：「我好少見佢哋參加周會如此興奮，好多謝奧委會安排兩位運動員嚟到，講出佢哋嘅奮鬥故事，真係好有意思，過往同學們喺老師或者喺書本上都聽過唔少奮進故事，但今次同學聽到真正活生生嘅例子。」
至於首次到學校出席此類講座的阿輝及阿虎，都覺得今次活動很有意義，他們都期望可將「不要放棄」、「堅定目標」的訊息帶給一班同學，為此活動準備了一個月的阿輝稱：「對我嚟講係一個難得嘅經驗，但我初段好緊張，所以表現我會畀自己50分，但見到學生嘅熱情反應，真係好意外，出晒汗都值得。」
學生心聲
Prinka（F.3）
「阿虎嘅故事畀我哋知道做事唔好放棄，要不斷嘗試，我本身喺尼泊爾出生，但好細個就嚟到香港，我希望將來可以做空姐，可以周圍飛到唔同嘅地方。」
張志恆（F.6）
「我覺得唔單止運動員，其實普通人都試過遇上困難，聽完佢哋嘅故事之後，就更加知道做任何嘢只要唔放棄就會成功。我未來好想入到Poly讀Account，我會盡自己所能，即使最後都唔成功，曾經付出過都問心無愧。」