蘭度夫當選新季最差收購

從位置上嚟睇，阿堤斯將會直接取代阿里沙嘅小前鋒位置，湖人整體實力照計更勝上季。之但係江山易改本性難移，阿堤斯試過為咗宣傳唱片唔練波，場上表現又火爆，本身好哋哋嘅湖人隨時畀佢攪亂檔！

同樣嘅Case出現喺灰熊陣營，新兵蘭度夫亦都係麻煩多多，難怪根據ESPN一項投票當中，蘭度夫以高票當選新季最差收購。另外，昆田李察遜季前由紐約人轉會至灰熊，繼而被交易至快艇，之後再過木狼，最尾就去熱火，兩個月內足足轉咗4次會，畀人當垃圾一樣，希望佢打番爭氣波威畀人睇啦！