06/10/2009

播放本新聞相關短片

阿英信心爆棚全運爭佳績

本文重點
第11屆全運會於本月16日(下周五)假山東正式揭幕,被視為香港「獎牌希望」之一的滑浪風帆隊今踏征途,當中尤以剛榮升做「爹哋」的陳敬然心情最靚、鬥志最高昂,獲教練艾培里特許延至周五才出發的「阿英」坦言,愛兒Jacob為其帶來更大推動力,不論出戰全運、東亞運,以至明年亞運甚至倫敦奧運都信心爆晒棚。

唔會一個夠晒數

陳敬然前日在產房親眼目睹與愛妻的愛情結晶出世,他形容「當第一天爸爸」的感覺時「冧爆」地說:「真係Amazing,好開心,我覺得依家喺背後多一份推動力,所以我喺未來嘅比賽會更努力。」這位新任爸爸昨晨果然「堅守本分」,跟隨港隊作前赴山東前最後一課集體訓練。

初為人父的「阿英」談起乖仔滔滔不絕,更笑稱「唔會一個夠晒數」,希望將來可為囝囝至少多添一個妹妹或弟弟。被問及可會讓Jacob日後「繼承衣鉢」參與風帆運動,陳敬然表示:「我會教佢,因為我想佢知道爸爸做緊啲乜,但佢會唔會玩其他運動,就等佢長大後自由發展。我覺得最緊要係BB開心、健康。」

對於即將第3度出戰全運會,「阿英」說會全力爭取好成績:「我上屆比賽前患上腦膜炎,所以發揮好差,但係今次準備就好充足,而且兩年前我去過山東日照參加全國賽,兼獲得第3名,對爭獎有一定信心。」「阿英」待全運會結束後,會爭取享受天倫樂,並全力為年底舉行的香港東亞運動會作最後衝刺。