本文重點
總獎金高達約250萬港元的「2009英國桌球超級聯賽」（下稱英超聯）今日起Cue，闊別此項賽事4年的香港「桌壇天王」傅家俊會壓軸登場（香港時間周五凌晨），挑戰8屆盟主奧蘇里雲，Marco雖形容今仗「好似喺泥地賽對住拿度咁」，但他仍望扮演「火箭剋星」爭攞新季頭彩。
由於新一季排名賽銳減至僅6項，獎金豐富、賽制又特別的「英超聯」正好為傅家俊帶來「補助」，既可「搵錢」亦能寓賽於操保持狀態：「超聯唔係排名賽，冇乜壓力，可以好好Enjoy，不過今屆陣容好強，對手個個都咁Aggressive（進取），肯定係最難打嘅一屆。」Marco於英超聯往績彪炳，多次打入4強，03年更成為歷來首位非英倫三島冠軍球手。
等同挑戰泥地場拿度
傅家俊過往跟奧蘇里雲14次交手，獲8勝6負（近5次對賽得4勝1負）往績明顯佔優，惟Marco指出英超聯獨有的「25秒內出Cue」規則對出名快的「火箭」極為有利：「呢場波就等同於喺泥地網球賽場挑戰拿度，想贏佢（奧蘇里雲）真係唔容易，盡力而為啦！」傅家俊賽後將直飛上海，出戰下周一（7日）展開的首項排名賽—上海大師賽。