硬地王重臨福地信心足

12個月前殺入美網決賽的梅萊，最終向費達拿俯首稱臣，卻稱得上超額完成任務。今屆賽事梅萊以世界排名第2身份出戰，與去年不同的是背負着英國球迷的殷切期望，然而年僅22歲的他卻信心爆棚：「現時我嘅狀態接近完美，冠軍我贏過好多，但就爭一個大滿貫，不過我會以平常心參賽，將壓力轉化為爭標嘅推動力。」

梅萊一向於硬地有好表現，今季就錄得34勝3負佳績，得勝率接近92%，難怪這位英國天才對今屆美網胸有成竹。梅萊更表示對紐約很有歸屬感，期望能於這片福地延續硬地走勢，不過這位「新二哥」就對大會的藥檢安排相當不滿，形容自己的假期遭藥檢人員摧毀：「早前大會突然派人到我嘅酒店進行驗尿，嗰時係朝早7點15分，呢個難得嘅假期咁就畀佢哋糟蹋咗！」