魔術手接班人遇膝傷

魔術嘅1號波衫，曾幾何時風靡萬千籃球迷，全因佢嘅擁有者─夏達威！身高6呎7吋嘅佢初出道即被捧為傳奇控衞魔術手莊遜接班人。夏達威亦不負所託，喺新人球季即帶領魔術首次進身季後賽，翌年更殺入總決賽，可惜遇上由奧拉祖雲帶領嘅火箭，最後落得以局數0:4「剃光頭」出局命運！

其後夏達威同「冠軍」漸行漸遠，到97至98球季更遭遇膝傷，手術過後無復當年勇，即使轉會太陽及紐約人亦難上高峰，甚至成為球會之間嘅交易籌碼，一代控衞淪落至此，點會唔唏噓？其實NBA嘅1號仔大多際遇麻麻，就以轉投活塞披上1號戰衣嘅艾佛遜為例，現時就陷於無班落嘅局面！