放完3個月快樂悠長假期後，香港「桌球天王」傅家俊明晚（27日）將啟程返英「開工」，備戰新一年度賽季，對於年底代表港隊披甲東亞運後，即要化身鐵人長途跋涉兼只得一晚休息時間便要應付全英賽，Marco坦言「冇影響就假」，但既成事實也須面對：「兵來將擋、目標不變、力爭金牌、望保Top 8！」

5日內港英兩地激戰連場

傅家俊去季憑奪得全英賽亞軍賺取極多排名積分，並歷史性高踞年終世界排名第8位，不過「創業難、守業更難」，Marco想保住Top8勢遇嚴峻考驗，除因來年度排名賽再銳減至僅得6項，搶分機會買少見少外，最大難關莫過於要在5日內港、英兩邊走兼顧東亞運及全英賽連場激戰。

據賽程編排，傅家俊於12月3至5日主場角逐東亞運英式隊際及單人賽後，即要在5號晚乘夜機趕飛英國，休息一天便於7日出戰全英賽32強，「魔鬼賽程」（見附圖）可想而知，若不幸在首圈出局更會被扣一半積分。「話冇影響同擔心就呃你！我打咗11年職業賽，自知一日時間唔夠適應時差……」Marco續說：「事實已無法改變，我會用平常心去接受，做足心理準備，諗得正面啲，煮到埋嚟就食囉，或者有意外收穫做到『兩不誤』呢！」

傅家俊「魔鬼賽程」	Marco代表港隊往績	Marco新一季賽程

自知抖1晚難適應時差

問Marco可有感到「人在江湖、身不由己」？他謂：「咁就冇，東亞運喺香港舉辦，我都有責任，唔代表出戰實在講唔通。」曾3度領軍出征亞運皆「穿金戴銀」的傅家俊，首戰東亞運亦盼主場揚威「起孖」奪雙金。