或再戰攀石場

近兩個月已「移居」廣州，進行全天候訓練的Liza無奈地說：「點解會話取消就取消？大半年前知道東亞運有呢個項目，我就決定集中練習，加上喺香港搞，又係東亞運首設呢個項目，我希望自己可以攞到獎牌。依家我嘅計劃完全打亂晒，但我依然會參加下個月嘅泰國亞洲賽。」

突然取消健美項目，運動員肯定是最受影響，正如Liza半年前已來回大陸訓練，專程隨廣州市少年體操隊練體操，又練跳舞及學習着比堅尼行路，近兩個月更完全在廣州居住，只有周末才回香港，目的就是為香港力爭這面東亞運金牌。好夢落空，Liza坦言目前腦海「一片空白」，但她會考慮再戰自己的「老本行」—攀石，她說：「我或者會參加下月25至31日嘅亞洲攀石錦標賽，但我太耐無練習，加上有啲攀石規則改咗，所以都要一段時間適應。」