今屆永倫一口氣獲蔡芳裕、呂楚威、梁振雄及黃鎮煒四位猛將加盟，加上原有班底，成功捧走聯賽錦標。但隨着主力鍾馬飛正式退休，球隊要補充新血。會長許業榮透露：「中鋒蔡芳裕會打多一年，不過佢已經35歲，所以搵咗飛鷹嘅蘇伊俊返嚟，必要時可以用佢替補，另外亦會簽入安青嘅葉嘉浩，希望呢兩位二十出頭嘅球員，未來可以繼續進步。」

自澳洲留學回香港的蘇伊俊，多年前曾在米高佐敦訪港期間，於「波神」面前表演入樽，因而獲封為「入樽王」。今次轉投永倫，佢視此為新挑戰：「雖然搶贏正選位機會唔大，但我相信喺冠軍球隊任後備時所學嘅嘢，應該會比於護級戰打正選學到更多。」

至於葉嘉浩在中學時代曾有多次打敗羅意庭的往績，加盟永倫後則有機會再成為該位南華球星的剋星。