如果Prothe是連尼生命中最重要的女人，Dr.Kim就必定是連尼一生中最重要的男人。茫茫人海，連尼同Dr.Kim本屬陌路人，但睾丸癌將二人拉近。沒有連尼的話，Dr.Kim只會少了個朋友，但若果沒有Dr.Kim，連尼早已失去生命！
心：NBA粉絲最迷連尼
Dr.Kim是連尼進行睾丸癌手術的主診醫生，不說不知，原來Dr.Kim一直有留意NBA，更加是連尼的粉絲，莫非這就是做朋友的緣分？一場手術將兩個大纜都拉不上的人變成好朋友，自此二人就Friend過打Band，Dr.Kim年初更有份出席連尼的婚禮，足證二人不止是泛泛之交。
對於這段微妙關係，Dr.Kim表示：「我哋十足十兄弟咁好感情，佢成日都話我係佢嘅救命恩人，其實係佢救番自己至真。係連尼嘅決心、自律同樂觀心境幫佢度過難關，我從來冇見過一個癌症病人會好得咁快！」