女單決賽「互相殘殺」後，「大細威」立即再顯威力，兩人於女雙決賽以7:6（7:4）、6:4擊敗澳洲組合施杜素和斯塔絲，輕鬆蟬聯后冠，並瓜分23萬鎊（約290萬港元）獎金，連同女單奪冠所得85萬鎊（1,076萬港元），S威廉絲一日內就勁賺96萬5,000鎊（約1,220萬港元），09年賽季剛過半程，她已豪取近3,000萬港元。

着特製Tee晒命

繼年初澳網後再膺雙料冠軍，「細威」當然風騷，賽後特地穿起一件印上「Are you looking at my titles?」（你在看着我的獎盃嗎？）的非賣品靚Tee出席記者會，似乎要向一眾對手示威：「呢個星期我已經帶住呢件衫，比賽前一晚我有諗過如果贏到第11個大滿貫，就應該着出嚟。咁輸咗又點？咪着另一件囉！」

事實上，世界排名第2的「細威」對今年贏取兩項大滿貫錦標，但都未能成為「一姐」確不服氣：「或者我嘅進步就頂多贏一個大滿貫冠軍，然後繼續排喺第2，反正過去一年，我係以『阿二』身份贏咗3個大滿貫，但世界第一（沙芬娜）就乜都無。」事實上沙芬娜今季暫時獎金雖有2,466萬，但仍較細威少，且沙芬娜從未奪得大滿貫，相對只差一冠就能追平名將金夫人12項大滿貫紀錄的細威，的確冇得比。