黃德森這個名字在社會上可能不及「李麗珊老公」名聲大,但其實「阿Sam」在運動員時代的成績並不遜於「珊珊」,或許只是差一面奧運金牌吧!然而「阿Sam」退役後當港隊教練亦有卓越成就,培育出多位世界冠軍級人馬,其後這位「一家之主」為讓家庭有更佳的經濟收入,毅然棄帆從商,每周中港兩邊走。
痛失母親頓悟家人勝金錢
直至08年發生一件事,令「阿Sam」決定放棄「錢」景不俗的「生意人」生活,並在奧委會副會長許晉奎及義務秘書長彭冲的盛邀下,加入了香港奧委會大家庭:「08年初有一日,細妹Call我,話媽媽喺屋企門口跌親,叫我立即返港(當時身在國內工作)。佢情況好危險,結果喺醫院昏迷咗三日,就走咗……當時我靜坐一段時間諗,有啲嘢係要即刻做,爸爸早去世,依家媽媽都離開了,喺我身邊就只有老婆同兩個女,我諗番吓過去有幾多時間陪佢哋呢,所以我好希望工作之餘都可以同家人一齊,搵少啲錢又有乜所謂,最終,我選擇去奧委會工作。」
做開荒牛幫運動員搵前途
「香港運動員職業及教育計劃」是香港奧委會的一個新發展計劃,主要是協助運動員解決前途問題,目前亞洲只有日本、新加坡及香港成立了專責部門。「阿Sam」說:「我唔怕做開荒牛,睇到一班對體育執着又熱衷嘅運動員,我好開心同佢哋分享,能夠幫到佢哋就更加興奮。」
黃德森兜兜轉轉後,最終又是重回體育圈,但他坦言心態與性格均有很大轉變:「作為運動員或者教練都希望追求第一,但依家我唔會,我只會爭做第二,因為工作上每一個崗位都好重要,唔會有一個人可以贏晒。」
香港運動員就業及教育計劃簡介
‧宗 旨:透過向運動員提供教育及就業兩方面支援,從而培育自信、受人尊重且具競爭力的世界級體育人才。
‧服務對象:本港現役及退休後4年的運動員、接受香港體育學院直接資助者、被所屬體育總會提名的全職運動員。
‧計劃範圍:網上英語課程、就業輔導及運動員事務講座、專上教育/職業訓練獎學金計劃、英語精讀課程、大專教育獎學金計劃、大專教育補習課程、個人/團體職業諮詢服務、就業計劃(工作機會)、體育大使計劃、師徒計劃。