易攰反應遲鈍

身高達七呎嘅奧當，擁有非常全面技術同過人嘅身體質素，勁嗰陣時真係可能勁過占士，不過曳起上嚟可能仲差過門外漢，喺場上做出低級失誤，好似交錯波、帶出界咁。美國一位叫做Amen嘅醫生，最近喺美國ESPN網站睇咗一段有關奧當狂食甜嘢嘅片後，就證實奧當全因為食甜嘢太多搞到喺比賽成日犯低級失誤。原來人攝入過量嘅糖分，會導致血糖升高，之後就會出現好攰、暴躁、意識模糊、反應遲鈍，嚴重嘅仲會損害人嘅認知功能，更會引起其他併發症，好似關節疼痛、頭痛、情緒失控同體重增加等情況，所以Amen衷心勸奧當，如果可以有效控制食甜嘢嘅分量，咁樣個腦就會比以前好好多，喺場上會有更加出色同穩定嘅表現。