本文重點
冇「甜瓜」一樣掂！雖然安東尼喺西岸決賽第四回合前胃痛入醫院，尋日喺比賽中大失水準，好彩一班隊友大打爭氣波，最後金塊喺主場以120:101大勝湖人，總場數追成2:2。
6人得分達雙位數
金塊球星安東尼賽前因為胃部感染病毒搞到入廠，雖然尋日趕得切以正選上陣，可惜表現麻麻，喺第二節更加扭傷右腳，全場只得15分，好彩其餘隊友大打爭氣波，簡安馬田、連尼、丹迪鍾斯、比立斯、JR史密夫、基利沙全部得分達雙位數字，加上強大嘅後備力量，以19分大勝有高比拜仁射入34分嘅湖人，將今屆季後賽主場成績改寫為7勝1負。
賽後金塊JR史密夫表示今場贏在整體：「今仗勝仗顯示我哋每位球員都好有鬥心，就算少咗個都冇問題。」至於比立斯則認為球隊有力進身決賽：「我肯定全世界球迷都想決賽係騎士對湖人，不過我會阻止呢件事發生！」
聽見比立斯咁有鬥心，芝士認為金塊聽日作客湖人
第五回合賽事，絕對有力擊敗湖人，受讓6.5分下盤絕對玩得過！