恒安靜雞雞預習交棒？依家恒安董事局三位創辦股東都年過六十歲，具體接班人選仲未對外公布，尋日，公司大股東、副主席兼CEO許連捷就罕有無上台主持業績會，反而佢位公子、公司執董兼供應鏈總監許清池就首次「被擺上台」列席。許連捷話自己舊年都試過唔上台主持業績會，今次想其他管理層「鍛煉吓」，又強調自己唔係退休。滿唔滿意阿仔許清池首次台上表現呢？佢就唔多想講。問番阿仔許清池係咪老竇讓「位」畀佢呢？阿仔即刻耍手兼擰頭。

許連捷全程坐喺台下，話要「鍛煉吓」其他管理層。

尋日會上，明顯由許連捷堂弟、恒安執行總裁兼首席營運總監許水深擔大旗。許連捷自己就全程於台下專注喺手機螢光幕。純粹睇手機？定有無遙遠向台上管理層即時教路呢？

第一手消息請下載on.cc東網iPhone/iPad/Android/Windows Phone Apps